GGG мен Канело күзде жекпе-жек өткізуі мүмкін
Алматы, BAQ.KZ. Геннадий Головиннің промоутері Том Леффлер қыркүйек айында Сауль Альвареспен үшінші жекпе-жектің өтіп қалуы мүмкін деген ойда. Бұл туралы Sports.kz хабарлады.
«Канело үшін қазір ең қолайлы қарсылас ол GGG. Олар бұған дейін керемет екі жекпе-жек өткізді. Менің ойымша, Геннадий екі кездесуде де жеңіске жетті немесе екіншісінде тең түсті. Дегенмен, бұл даулы мәселені үшінші кездесу шешеді. Бұл мәселе бойынша "Канелоның" DAZN-ғы келісімшарты не айтатынын білмеймін, алайда бәрі қыркүйек айында үшінші кездесу өтеді деген ойда. Бұл өзге қарсыластармен салыстырғанда ең табысты жекпе-жек. Оның үстіне Головкин де «Канеломен» жұдырықтасқысы келеді. Дегенмен, біз оларды мәжбүрлей алмаймыз», - деді Леффлер K.O. Artist Sports Youtube-арнасына берген сұқбатында.BAQ.KZ
