Өскен өңір Osken-onir.kz ақпараттық агенттігі
» » Жәнібек Әлімханұлының келесі қарсыласы белгілі болды

Жәнібек Әлімханұлының келесі қарсыласы белгілі болды

Орта салмақта жұдырықтасатын қазақстандық боксшы Жәнібек Әлімханұлының келесі қарсыласы белгілі болды, деп хабарлайды Vesti.kz. Қазақ боксшымен америкалық Димитриус Баллард жекпе-жекке шығуға келісті.

Желтоқсанда ол АҚШ-тың Коста-Меса қаласында орта дивизионда бос болған NABF тұжырымы бойынша Солтүстік Амеркиа чемпионы титулы үшін бразилиялық Ямагучи Фалькаомен (16-1-1, 7 KO) он раундты жекпе-жекте тең түсті. Осылайша, белбеу сол күйде иесіз қалды. Ал Әлімханұлы кейінгі рет рингке 10 қараша АҚШ-тың Фресно қаласында шығып, канадалық Альберт Онолуносені (24-3-1, 8 КО) алтыншы раундта нокаутқа түсірген. Әлімханұлы – Баллард жекпе-жегі 28 наурыз Квебектегі бокс кешінде өтеді. Бұл бокс кешінің басты кездесуінде жартылай ауыр салмақта IBF және WBC чемпионы ресейлік Артур Бетербиев (15-0, 15 КО) қытайлық Мэн Фаньлунмен (16-0, 10 КО) жұдырықтасады. Айта кетейік, мұның алдында Top Rank промоутерлері Жәнібек Әлімханұлына қарсылас іздеуде қиындыққа тап болған еді. Промоутерлер бірнеше боксшымен байланысқа шыққан екен, оның ішінде канадалық Стив Роллс (20-1, 11 КО) бар. Алайда олардың бәрі жекпе-жектен бас тартқан.

20 ақпан 2020 ж. 613 0