"Манчестер Юнайтед" клубы елордаға келді
BAQ.KZ. Уле-Гуннар Сульшер шәкірттері ертең "Астанамен" алаңға шығады. Бұл туралы Хабар 24 хабарлады.
Еуропа лигасының плей-офф кезеңіне күні бұрын жолдама алған қонақтар бұл матчқа жастары мен қосалқы құрамын әкеліпті. Қазақстан астанасына келген 18 футболшының тек сегізі ғана негізгі команда сапында бірді-екілі кездесулерге қатысқан.
Тәжірибелі ойыншылардан тек Джесси Лингард пен Люк Шоу және Грант бар. Өзгесі 23 жасқа толмаған жас ойыншылар. "Астанаға" қарсы матчта он ойыншы "Манчестер Юнайтед" сапындағы алғашқы кездесуін өткізуі мүмкін. Еуропа лигасының бесінші туры аясындағы матч ертең "Астана-Аренада" сағат 21:50-де басталады.
