Елордалық «Астана» клубы Еуропа лигасының топтық кезеңде бақ сынайды, деп хабарлайды Елорда Инфо. «Астана» клубы Еуропа лигасының плэй-офф кезеңінде қос ойын қорытындысы бойынша БАТЭ-ны ұтып, топтық кезеңде бақ сынау мүмкіндігіне ие болды. Айта кетейік, елордада өткен бірінші матчта «Астана» командасы БАТЭ клубын 3:0 есебімен ұтты. Ал Борисов қаласындағы ойында алаң иелерінің жартылай қорғаушысы Максим Скавыч 6-минутта алғашқы голды салды. Бірінші таймда осы есеп сақталып қалынды. Екінші таймда алма-кезек шабуылмен жалғасты. Елордалық команда қорғана жүріп, қарымта шабуылға иек артты. Алайда БАТЭ клубының жартылай қорғаушысы Евгений Яблонский 85-минутта екінші голды соғып кетті. Одан кейін алаң қожайындары қанша жанталасқанымен таблодағы есеп өзгермеді. Қос ойынның қорытындысы бойынша 3:2 есебімен басым түскен «Астана» Еуропа лигасының топтық кезеңде бақ сынайды.