Футболшыларға шабуылдаған адам 10 жылға сотталды (видео)
Лондондық «Арсенал» клубының футболшылары Месут Өзіл мен Зеад Колашинацқа шабуыл жасағандардың бірі 30 жастағы Эшли Смит 10 жылға сотталды, деп хабарлайды Prosports.kz.
Еске сала кетсек, биылғы жылдың тамыз айында Смит өзінің сыбайласы 26 жастағы Джордан Нортовермен бірге Өзіл мен Колашинацты тонамақ болған. Қылмыскерлер скутермен футболшылардың автокөліктеріне жақындап келіп, пышақпен қорқытпақ болған еді. Месут көліктен шығып, көмек сұрауға сол жердегі ресторанға қарай жүгірген, ал Зеяд шабуыл жасағандармен төбелесіп, оларды қуып жіберген. Нәтижесінде футболшылар жапа шеккен жоқ. Полиция да көп ұзатпай қылмыскерлерді аңдып жүріп, құрықтады.
Нортовердің ісі бүгін, 9 қарашада қаралмақ.
