«Арсенал» футболшысының үйінен белгісіз адамның мәйіті табылды
«Арсенал» жартылай қорғаушысы Мохамед Эль-Неннидің Египетте салынып жатқан үйінен белгісіз ер адамның мәйіті табылды, - деп хабарлайды Vesti.kz.
26 шілдеде полицияға футболшының әкесі арыз берген. Құрылыс жүріп жатқан аймақта белгісіз адамның мәйіті табылған, алайда оның кім екені әзірге белгісіз. Құқық қорғау органдары оқиғаның мән-жайын анықтап жатыр.
26 шілдеде «Арсенал»» футболшылары Месут Өзилмен Сеяда Колашинацқа Лондонда шабуыл жасалғаны хабарланды. Қаруланған ұрылар спортшылар отырған көлікті мініп кетпекші болған, алайда Колашинац оларға тойтарыс беріп, қуып жіберген. Оқиға салдарынан ешкім зардап шеккен жоқ.
Эль-Ненни 2016 жылдан бері «Арсенал» сапында өнер көрсетіп келеді. Бұрындары ол «Базель» клубының намысын қорғады. Сондай-ақ, ол Мысыр құрамасы үшін 59 ойын өткізген.
24.kz
