Семейдегі Абай мұражайында Шәкәрім қажының өзі тұтынған бұйымдары тұңғыш рет көпшілік назарына ұсынылды. Ойшыл тұлғаның дүниеге келгеніне биыл 160 жыл толады. Осыған байланысты ұйымдастырылған арнайы көрмеге 100-ден астам көне жәдігер қойылды. Жұртты таң-тамаша қалдырған – шоқпар мен саптыаяқ. Бұл заттарды музейге ақынның немерелес туыстары тапсырыпты. Сонымен қатар көрмеде Шәкәрімнің шығармалары, қолжазбалары, фотосуреттерімен танысуға болады. Мерейтой қарсаңында ғылыми-тәжірибелік конференциялар мен тағылымдық кештер өткізу де жоспарда тұр. Болат Жүнісбеков, Абайдың «Жидебай-Бөрілі» әдеби-мемориалдық қорық-мұражайының директоры:  - Қанша Шәкәрім қажыны қапасқа салып, шығармаларын оқытпай, ілуде бір адам болмаса, Шәкәрім қажының шығармалары жасырын оқылған. Ел бір-біріне айтуға қорыққан. Сол заманнан аман-есен шығып отырғанның өзі – кезінде өлеңдері мен сөздеріне Шәкәрім «ажалсыз әскер» деп тақырып қойған екен. Сол Шәкәрімнің ажалсыз әскері, міне, халқымен бірге тәуелсіздікке жетіп, еліміздің бүгінгі бақытты өміріне куә болып отыр.

24.kz