«Қазгидромет» РМК мамандары 12-14 ақпан күндері ауа райының қандай болатындығын мәлімдеді. «Ел көлемінде температураның уақытша төмендеуіне себеп болған солтүстік-шығыс тропосфералық ағындары батысқа және оңтүстік-батысқа ауысты. Сондықтан алдағы үш тәулікте Қазақстанда ауа температурасы климаттық мәнге жақын болады, яғни күн жылына бастайды», -деп хабарлайды синоптиктер. Мамандардың айтуынша, бұл күндері республика аумағында циклон жылжып, оңтүстік және оңтүстік-шығыста ауа температурасының жоғарылауына және жауын-шашынға себеп болады. Ал Қазақстанның қалған аймағында антициклонның ықпалынан жауын-шашын болмайды.

24.kz