Нұрсұлтан Таңатов 6 жасынан дойбы, шахмат ойнай бастады. Алғашында үйдегі үлкендердің ойнағанына қызыққан бала, кейіннен әуесқой шахматшыға айналды.
Бүгінде Нұрсұлтан №45 «Ақ Орда» мектеп-гимназиясында 6 сынып оқиды. Ол аталған спорт түрлерінен бірқатар аудандық, облыстық, республикалық байқаулардың жүлдегері атанып, бірнеше медальдарды иеленіп үлгерген. Жуырда ғана шахматтан жасөспірімдер арасындағы облыс біріншілігінде топ жарып, І орынды қанжығалап қайтты. Енді, қаңтар айында өтетін республикалық сайысқа дайындық үстінде.
Уақытын босқа өткізбей шахмат тақтайшасын жанына серік еткен кішкентай Нұрсұлтанға сәттілік серігің болсын дейміз.

Асылым ДҮЙСЕНБАЙ.