Сыр елінде сағат тілі ауысады
Қызылорда облысының сағаттық белдеуі табиғи уақытына сәйкес бір сағат кейін шегерілетін болды. Яғни, бұл өзгеріс желтоқсанның 20-сынан 21-іне қараған түні бастау алады. Бұл туралы Парламент Сенатының депутаты Мұрат Бақтиярұлы хабарлады. Айта кетейік, бұған дейін сенатор Премьер-Министр Бақытжан Сағынтаевтың атына осы мәселені көтеріп сауал жолдаған еді. Онда айтылғандай, Қызылорда, Қостанай, Ақтөбе облыстары бұрын бір сағаттық белдеуге тиесілі болған. Алайда, кейін Қызылорда мен Қостанай облыстары уақытты бір сағат алға жылжытты.
«Географиялық белдеу бойынша табиғи биологиялық уақыттан ауытқу халықтың денсаулығы мен көңіл-күйіне, күнделікті тіршілігіне теріс ықпалын тигізіп, жылдар бойы қалыптасқан өмір сүру ритмін бұзады», – делінген депутаттық сауалда.
Г.ӘБДІХАНИ.
