Елордада қоғамдық келісім және жалпыұлттық бірлік тақырыбында жазылған ғылыми жобалардың қорытындысы жарияланды. Үздік деп танылған жұмыстардың авторлары бүгін Назарбаев орталығында марапатталды. Жас ғалымдар мен сарапшылар «Көпэтносты қоғам және заманауи мемлекет, даму стратегиялары» атты халықаралық форумда бас қосып, қазіргі заманғы жаһандық сын-қатерлерді талқыға салды. Әсіресе, Мемлекет басшысы Нұрсұлтан Назарбаевтың әлеуметтік бастамаларының маңыздылығына ерекше назар аударылды. Қарлығаш Қаршығақызы, Батыс Қазақстан инновациялық-технологиялық университетінің оқытушысы: – Мен жас ғалым ретінде бірінші рет осы республикалық конкурсқа қатысып тұрмын. 10 жоба үздік қатарда болды. Менің ұсынған тақырыбым – депортация дәуіріндегі қазақ халқының келбеті.
www.24.kz