Аталған облыстың тұрғыны Юля Панащук бірден үш қыздың анасы атанды, деп хабарлайды Казинформға сілтема жасап Stan.kz.

Қыздарға Радмила, Анастасия және Алина есімдері берілді. Олардың салмақтары 1,7-1,8 келі болған. Нәрестелердің анасын облыстық «Ана мен бала» орталығының дәрігерлері босандырды.
Қыздардың анасы Юля Панщук аман-есен бүлдіршіндерін қолына алғанына орталық қызметкерлердің ұжымы үлкен үлес қосты дейді. Ол дәрігерлерге деген зор алғысын айтып, орталықтың басшысы Гүлнәр Жұмашеваға ерекше ықыласын білдірген.
Панщук отбасында бұл үш қыздан бөлек үш ұл тәрбиеленіп жатыр. Аталған перинаталдық орталығында 180 егіз балалар жарық көрген.
Естеріңізге салсақ, осы айда Түркістан облысында үшемді дүниеге әкелген 23 жастағы келіншек 6 баланың анасы атанған болатын.

http://stan.kz/