Фото: Arnapress.kz

Семей әуежайы қайта жөндеуден өтті. Ол енді халықаралық талаптардың бәріне сай, деп хабарлайды Baq.kz ақпарат агенттігі altaynews.kz сайтына сілтеме жасап.

2016 жылы басталған бұл жұмысқа «Нұрлы жол» бағдарламасының аясында 10 миллиард теңге қаражат бөлінген.
Халықаралық әуежайдың жердегі қызмет жетекшісі Марат Жақсылықовтың айтуынша, ұшақ жолына монолитті бетон төселіп, ені 45 метрге кеңейтіліпті.

«Негізгі жұмыстар аяқталды. Ауласын абаттандырып жатырмыз. Бізге бұрынғыдай Астана мен Алматы ұшақтары, сондай-ақ жақын елдерден ұшақтар келіп қонады. Болашақта семейліктер Түркия мен басқа да Батыс Еуропа елдеріне ұшып бара алады деп үміттенеміз», – дейді Марат Жақсылықов.

Baq.kz