Мәскеуде дрондар сайысы өтті. Ерекше жарысты тамашалауға «Лужники» стадионына 3 мыңға жуық адам жиналған. Ұшақсыз басқарылатын аппараттар арнайы жабдықталған трасса үстінде жарысты. Айта кетейік, дрон-рейсинг – жаңа спорт түрі. Ресейде ол ресми түрде өткен жылы бекітілді. Қазір бұл спортпен мыңдаған адам кәсіби түрде айналысады. Мәскеудегі сайыста бақ сынауға Беларусь, Германия және Оңтүстік Корея елдерінен 40-қа жуық спортшы келген. Илья Калаев, «Трудовые резервы» спорт қоғамының басшысы: – Дронның салмағы – жарты килограмм. Аспалы жабдықпен есептегенде, 2 келіге дейін жетеді. Сағатына 100-120 шақырыммен ұшады. Екі секунд ішінде жылдамдығын сағатына 200 шақырымға дейін жеткізе алады.

www.24.kz