Жақында ғана туриндік Ювентус сапына өткен Криштиану Роналду дәрігерлік тексерістен өтті. Футболшының таңғаларлық нәтижесімен журналист Маттео Боннети өз Твиттер парақшасында бөлісті. Бұл туралы sport-express.ru сайтына сілтеме жасаған NUR.KZ хабарлайды.
Маттеоның айтуынша, әйгілі футболшының денсаулығы дәрігерлерді біраз таң қалдырған.
Оның сөзінше, ақ халаттылар 30-дан асқан Роналдудың денсаулығын 20 жастағы жігіттікіне теңеген.
Оның денесіндегі май үлесі жеті пайызды ғана құраса, бұлшық ет массасы 46 пайызды көрсетіпті. Бұл спортшылар үшін үздік көрсеткіш болып табылады.
NUR.KZ