Ресейдің Омбы облысының тұрғыны өзінің бақшасынан азаматтық некедегі әйелінің бұрынғы күйеуінің сүйегін тауып алып, 20 жыл бұрын болған қылмыстың бетін ашты, деп хабарлайды ТК өңірлік басқармасының баспасөз қызметіне сілтеме жасап Stan.kz.23 мамырда ер адам Лузино аулындағы үйінде бақшасындағы жерді қазып жатқан. Осы кезде қазылған жерден адамның сүйегін тауып алыпты. Оның азаматтық некедегі 60 жастағы әйелі қылмысқа қатысы бар болып шыққан.
Әйел 1997 жылы 52 жастағы бұрынғы күйеуімен ұрысып қалып, басынан балтамен бірнеше рет ұрып жібергенін айтты. Мұнан кейін оның денесін бөлшектеп, бақшадағы жерге көміп тастаған. Ал көршілеріне күйеуінің ақша табуға кеткенін айтыпты. Мұнан кейін ер адамды ешкім іздемеген.
Тергеушілер «Қасақана кісі өлтіру» бабы бойынша әйелге қатысты қылмыстық іс қозғады.
Stan.kz