Аудан аумағында көктемгі әскерге шақыру науқаны аясында рейдтік іс-шара ұйымдастырылды. Шара аудан әкімінің орынбасары Арман Дүйсенбаевтың жетекшілігімен өтті.
Рейд барысында әскери қызметке шақырылатын азаматтарға түсіндіру жұмыстары жүргізіліп, тұрғылықты мекенжайлары тексерілді. Сондай-ақ қорғаныс істері жөніндегі бөлім мамандары шақырту қағаздарын таратып, белгіленген мерзімде келу қажеттігін ескертті.

Іс-шараға құқық қорғау органдарының қызметкерлері мен сала мамандары қатысып, заң талаптарын түсіндірді. Мамандар әскери борышты өтеу әр азаматтың Отан алдындағы міндеті екенін атап өтті.

Жауапты өкілдер шақырту қағазында көрсетілген мерзімде келмеген азаматтарға заңнамаға сәйкес әкімшілік жауапкершілік қарастырылатынын ескертті.