Астанаға Третьяков галереясының экспонаттары жеткізілді 06.06.2018, 15:38 29 БЕЙНЕ
Елордалықтар Ұлттық музейде 50-ден астам жәдігерді көруге мүмкіндік алды. Дариға Ташенова, тілші: - Біз керемет көріністің куәсі болып тұрмыз. Жеке өз басым Мәскеуге барғаныммен, Третьяков галереясын аралап көрмеген едім. Ал, бүгін бұл музейдің экспонаттарын көрші елге бармай, өзіміздің Ұлттық музей қабырғасында тамашалауға мүмкіндік алып отырмыз. Айта кетейік, бұл шара елордамыз Астананың 20 жылдығы қарсаңында ұйымдастырылып отыр. Оның салтанатты ашылу рәсіміне Мәдениет және спорт министрі Арыстанбек Мұхамедиұлы, Третьяков мемлекеттік галереясының бас директоры Зельфира Трегулова және көптеген отандық өнер азаматтары қатысты. Елордалықтар қандай экспозияцияларды тамашалай алады? - Әкелінген экспозициялар қатарында 20 ғасырда салынған Абрам Архиповтың «Крестьянки», Константин Коровиннің «В саду. Гурзуф», Аркадий Рыловтың «Зелёный шум», Илья Машковтың «Хлебы. Снедь московская» атты туындылары бар. Өздеріңіз көріп отырғандай, мұражайға жүздеген адам жиналды. Соған қарап, галерея қазақстандықтар арасында үлкен қызығушылық туғызды десек қателеспейміз. Бұл көрме қыркүйек айының 10-на дейін өз жалғасын табады. Сол себепті барша халқымызды шарадан қапы қалмай, керемет картиналарды көріп қайтуға шақырамыз.24.kz
