15 наурызда елордалықтар автобуспен тегін қатынайды
15 наурыз күні өтетін республикалық референдумға байланысты Астанада қалалық, экспресс және қала маңындағы автобус бағыттарында жол жүру тегін болады, деп хабарлайды Egemen.kz. Референдум өтетін күні қала тұрғындары мен қонақтары қоғамдық көлікпен тегін қатынай алады. Бұл шара азаматтардың қатынауын жеңілдету және дауыс беру учаскелеріне жетуді оңайлату үшін қабылданған.«Қоғамдық көлік белгіленген кестеге сәйкес штаттық режимде сағат 06:00-ден 23:00-ге дейін жұмыс істейді», делінген елорда әкімдігінің ресми сайтында.
Ал 16 наурыздан бастап қоғамдық көлік қалыпты режимде қызмет көрсетеді.
