Өскен өңір Osken-onir.kz ақпараттық агенттігі
» » Астана автобустары 21 шілдеден бастап жаңа тариф бойынша жүреді

Астана автобустары 21 шілдеден бастап жаңа тариф бойынша жүреді



Астанада 21 шілдеден бастап автобустарға жаңа тариф енгізіледі. Бұл туралы Астана қаласының Көлік және жол-көлік инфрақұрылымын дамыту басқармасына сілтеме жасап Елорда инфохабарлады.
«Астанада жолаушыларды және жүкті автомобиль көлігімен тасымалдау ережесін бекіту туралы» Қазақстан Республикасы Үкіметінің Қаулысына сәйкес «Астана қаласының Көлік және жол-көлік инфрақұрылымын дамыту басқармасы» ММ 2018 жылғы 21 шілдеден бастап қалалық және қала маңы қатынастарында астананың қоғамдық көлігінде жол жүру тарифтерінің өзгеруі туралы хабарлайды», - делінген мәліметте.
«Автомобиль көлігі туралы» Қазақстан Республикасының Заңына сәйкес қалалық қатынаста астананың қоғамдық көлігінде жол жүрудің белгіленген тарифі электрондық жүйе арқылы төлеу кезінде саралануға жатады.
Баяндалғандар ескеріліп, астананың қалалық және қала маңы қатынастарында жолаушылар мен багажды автомобильмен тасымалдау тарифтері мынадай мөлшерде белгіленеді:
жолаушылар мен багажды кәдімгі қалалық автомобильмен тасымалдау – қолма қол ақшасыз электрондық жол жүру құжаты арқылы төлеу кезінде 90,0 теңге;
жолаушылар мен багажды кәдімгі қалалық автомобильмен тасымалдау – қолма қол ақшамен төлеу кезінде 180,0 теңге;
жолаушылар мен багажды экспресс қалалық автомобильмен тасымалдау – қолма қол ақшасыз электрондық жол жүру құжаты арқылы төлеу кезінде 180,0 теңге;
жолаушылар мен багажды экспресс қалалық автомобильмен тасымалдау – қолма қол ақшамен төлеу кезінде 250,0 теңге;
Астана қаласының қала маңы қатынастарында – қолма қол ақшасыз электрондық жол жүру құжаты арқылы төлеу кезінде 1 километр үшін 8,0 теңге;
Астана қаласының қала маңы қатынастарында – қолма қол ақшамен төлеу кезінде 1 километр үшін 11,5 теңге.
Бұл ретте жол ақысын электрондық төлеу жүйесі істемей тұрған жағдайда, жол ақысын электрондық жол жүру құжаты арқылы төлейтін жолаушы тегін жол жүруге құқылы.
«Автомобиль көлігі туралы» Қазақстан Республикасының Заңына сәйкес 7 жастан 15 жасқа дейiнгi балалар үшін қалалық және қала маңы қатынастарында астананың қоғамдық көлігінде жол жүру тарифі жол жүру құжатының (билетiнiң) толық құнының елу пайызын төлеуді көздейді.
«Астана қаласы азаматтарының жекелеген санаттарына қалалық бағдарлардың жолаушылар көлігінде жол жүруге төлем төлеуден босату түрінде әлеуметтік көмек көрсету тәртібі туралы» Астана қаласы мәслихатының 2017 жылғы 20 шілдедегі № 167/21-VI шешімімен айқындалған азаматтардың жеңілдік санаттарындағы жолаушыларды тасымалдау ережелері өзгеріссіз қалады.

Baq.kz сайты.
10 шілде 2018 ж. 1 816 0

PDF нұсқалар мұрағаты

№24 (9188)

23 наурыз 2024 ж.

№23 (9187)

19 наурыз 2024 ж.

№22 (9186)

16 наурыз 2024 ж.

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031