AMANAT: ТӘУЕЛСІЗДІК КҮНІ ҚАРСАҢЫНДА КЕЗДЕСУ ӨТТІ

Кездесудің негізгі мақсаты – ел тәуелсіздігінің қадір-қасиетін насихаттау, мемлекеттік қызметте аянбай еңбек етіп жүрген азаматтарға құрмет көрсету. Кездесуге Шиелі ауданы Төтенше жағдайлар бөлімі №13 өрт сөндіру бөлімінің бастығы Бағлан Әбсаттаров, "AMANAT" партиясы Шиелі аудандық филиалының консультанты Нұрсұлтан Сапарбаев және сала мамандары қатысты.

Іс-шара барысында Тәуелсіз Қазақстанның жетістіктері мен тарихи кезеңдері айтылып, өрт сөндіру саласының қоғамдағы маңыздылығы ерекше атап өтілді. Қызметкерлерге алғыс айтылып, Отан алдындағы адал еңбектері үшін ризашылық білдірілді.

Тәуелсіздік – барша қазақстандықтың ортақ құндылығы. Ал қауіпсіздік сақшысы – елдің тірегі!