Еңбектеп жарысамыз...

Әлемде түрлі қызық бар. Кезекті қызықтың бірі 1 маусым балаларды қорғау күнінде Қырғыз Республикасында болыпты. Бөбектер еңбектеп жарысқан. Ош қалалық Жастар жөніндегі комитеті Халықаралық балаларды қорғау күніне орай бөбектер арасында «Менин биринчи ийгилигим» ұранымен байқау ұйымдастырған. Бәсекелестік жоғары болған байқауға шамамен 100 сәби қатысыпты. Бірінші орынды 11 айлық Алихан Сатимбаев иеленсе, 2-орын 11 айлық Адиля Ниматиллаеваға, үшінші орын 10 айлық Аруузат Соотбековаға бұйырды. Бұл өмірдің есігін аша сала, байқауда жеңімпаз атанған бөбектердің болашағы жарқын болады деген сенімдеміз. Жеңімпаздар бағалы сыйлықтар алды, ал олардың ата-аналарына құрмет грамоталары тапсырылды.

Massaget.kz