Қарашаш Бейсенбайқызы – ҚР ДСМ СЭБК Ұлттық сараптама орталығы ШЖҚ РМК Қызылорда облысы бойынша филиалының Шиелі аудандық бөлімшесінің зертхана маманы. Ол осы салада 21 жыл бойы адал еңбек етіп келеді. Осы уақыт ішінде Қарашаш Бейсенбайқызы кәсіби біліктілігін арттырып, өз міндеттерін жоғары деңгейде орындап, ұжымының құрметіне бөленіп үлгерді.

Оның еңбек жолы – нағыз үлгі. Алғашқы күннен бастап, өз ісіне деген жауапкершілікпен қарады. Әрбір тапсырманы уақытында әрі сапалы орындап, өз саласында үлкен жетістіктерге қол жеткізді. Оның жұмысындағы ең басты құндылық – адамның денсаулығын қорғау, қауіпсіздік пен сапа. 21 жылдық еңбек өтілі барысында, ол көптеген сынақ пен қиындықты жеңіп, әрқашан өз ісіне деген адалдықты, кәсібилікті және шеберлікті сақтап қалды.