Жақында аудан әкімі Айтбай Жандарбеков Шиелі ауданындағы құрылыс нысандарының жұмыстарымен танысты. Алдымен аудан басшысы Ақ Орда мөлтек ауданындағы тұрғын үйлердің құрылыс жұмыстарын бақылады. Тұрғын үйлердің құрылысымен танысқан аудан басшысы аталмыш нысандарды жол, жарық, газ, ауыз су мәселелерінің сапалы пайдалануға беру туралы тапсырма берді. Әрі қарай аудан әкімі Шиелі кентіндегі “Таза Қазақстан” акциясы және атқарылып жатқан абаттандыру бойынша жұмыстарымен танысты.
 – Ең бірінші кезекте жұмыс сапасына мән беру керек. Мейлі, ол ғимарат құрылысы, жол құрылысы болсын, су немесе газ жүргізсін, ең бастысы – сапа. Сондықтан жұмыс барысын күнделікті бақылау керек. Жобаны мақұлдау сатысынан бастап толық аяқталғанға дейін жіті қадағалаңыздар», – деді аудан басшысы.

Шиелі ауданы әкімінің баспасөз қызметі