Атырау облысында жарты тоннаға жуық бекіре тәркіленді
Атырау облысы аумағында 1 сәуірден бастап өтіп жатқан «Бекіре» жедел-профилактикалық іс-шарасы шеңберінде жарты тоннаға жуық бекіре балығы тәркіленді, деп хабарлайды Egemen.kz.Polisia.kz сайтының мәлімдеуінше, өңір полициясы балықтың заңсыз айналымы тұрғысында 6 құқық бұзушылықты анықтаған. Төрт дерек бойынша сотқа дейінгі тергеп-тексеру амалдары жүргізіліп жатыр.
«7 су қайығы, 8 автокөлік, сонымен қатар 435 кг бекіре және 2 кг 500 гр бекіре балығының уылдырығы тәркіленіп, «Жайық-Атырау бекіре өсіру зауытына» тапсырылды», делінген хабарламада.
