Медициналық апаттар орталығының қызметкерлері осы жылы 1400 адамды құтқарып, екі мың рет төтенше жағдай бойынша жолға шыққан. Сонымен қатар құтқарылғандардың 300-і ауруханаға жеткізілген. Бұл туралы ҚР ІІМ Төтенше жағдайлар комитеті хабарлады. Медициналық апаттар орталығының қызметкерлері өрт, су тасқыны,көлік апаты кезінде зардап шеккендерге қызмет көрсетеді. Олар мереке кезінде дамыл таппай, жұмыс жасайды. Төтенше жағдай болған жерге 3-5 минут ішінде жетулері керек. Сондай-ақ төрт айдың ішінде тасжол бойындағы пункттерге кезекші бригадалар 400 рет шығып, көлік апатынан зардап шеккен 1000-ға тарта адамға медициналық көмек көрсеткен.

24.kz