Бүгін Шиелі ауданында «AMANAT» партиясының Сайлауалды бағдарламасының Жол картасына енгізілген Жаңатұрмыс ауылдық округі Байсын ауылындағы №207 орта мектептің салтанатты түрде ашылуы өтті.
Шараға Облыс әкімі Нұрлыбек Нәлібаев аранайы келіп жаңа мектептің ашылуына қатысып, тұрғындарды жаңа нысанның ашылуымен құттықтадық.

Мемлекет басшысы Қасым-Жомарт Кемелұлы жастарды оқуға, ғылым-білімді, жаңа машықтарды игеруге, технологияны күнделікті өмірде шебер де тиімді пайдалануға шақыруда. Алты Алаштың айбыны Абылай ханның ұлы дала мұрагерлеріне «Білекке сенген заманда ешкімге есе бермедік, білімге сенер заманда қапы қалып жүрмелік» деген аманатын баршамыз жақсы білеміз. Балалардың еш кедергісіз білім алуына барлық жағдайлар қарастырылған. Міне, бүгін Байсын ауылының тұрғындары үшін қуанышты күн. Білім мен ғылым заманында алар асуларыңыз бен бағындырар шыңдарыңыз биік болсын, – деді аймақ басшысы.

Сонымен қатар, Байсын ауылындағы 250 орындық №207 мектеп құрылысы 2022 жылы басталған. Нысанға облыстық бюджеттен жалпы 709 млн 727 мың теңге қаржы бөлінді. Нысанның сапалы салынуына қызмет көрсеткен бас мердігер: «Авангард ПГС" ЖШС – не арнайы алғыс білдірілді.