Елімізде алтын бағасы екі аптада 11,5 пайызға қымбаттады. Бұл былтырғы жылмен салыстырғанда жоғары көрсеткіш.

Бірінші кредиттік бюро мәліметінше, қазіргі таңда бір грамм алтынның ресми құны 29 347,83 теңгені құрайды. Соңғы екі аптада (13 наурыздан бастап) алтынның құны үш мың теңгеге немесе 11,5%-ға өсті. Бұл айтарлықтай жоғары көрсеткіш – бағалы металл соңғы рет бір жыл бұрын, яғни 2022 жылдың 29 наурызында қымбаттаған болатын.
"Америкалық банктердің (артынша өзге елдердің де) проблемалары нарықтың құлдырауына әкелді. Ал алтын дәстүрлі түрде қорғаныш активі ретінде рөл ойнады: инвесторлар қауіпті сәтті қымбат металл арқылы айналып өткенді жөн көрді. Ал сұраныстың өсуімен бірге баға да көтеріледі", – дейді мамандар.
Айта кетейік, елімізде алтын құймаларға сұраныс өсті. Өткен айда елдегі екінші деңгейлі банктер мен банктік емес жекелеген айырбастау пунктерінде жалпы салмағы 83 келі алтын құйма сатылған.