Мемлекет басшысы «Самұрық-Қазына» ұлттық әл-ауқат қорын басқару жөніндегі кеңес отырысына қатысты

Елбасы «Самұрық-Қазына» қорының жаңартылған даму стратегиясы мен трансформациялау бағдарламасын мақұлдады. Нұрсұлтан Назарбаев ұлттық әл-ауқат қорын басқару жөніндегі кеңес отырысына қатысып, маңызды мәселелерді көтерді. Естеріңізге сала кетейік, қордың ұзақмерзімді даму стратегиясы 2012 жылы қабылданған болатын. Нұрсұлтан Назарбаев бұл құжаттың сәтті жүзеге асырылғанын айтып, атқарылған жұмыстарға оң бағасын берді. «Енді еліміз экономиканы жаңғыртудың жаңа кезеңіне аяқ басып, кешенді цифрландыруға көшкендіктен, қор стратегиясын жетілдіру қажеттігі туындады», – деді Елбасы. Айта кетейік, «Самұрық-Қазынаның» жаңа даму құжаты 2018-2028 жылдарды қамтиды.


www.24.kz