Қазіргідей аумалы-төкпелі кезеңде Қазақстан Президентін сайлау, елді бастайтын, көшті бастайтын отаншыл азаматты сайлап, тағына отырғызу – халқымыздың бірлігі мен тұрақтылығын сақтау үшін де, мемлекетімізді алға жылжыту үшін де қажет. Ал оған әрбір Қазақстан тұрғыны үлес қосуы тиіс. Біз, міне, осындай оймен «AMANAT» партиясының ХХІV съезіне келіп отырмыз.

Бұл – тарихи съезд. Себебі, бұл жиында ел ертеңі айқындалды, бағдары бекітілді. Ең бастысы, партия мүшелері Қазақстан президенттігіне кандидат ретінде Қасым-Жомарт Кемелұлы Тоқаевті ұсынды. Бұл – Тәуелсіз еліміз үшін маңызды шешім болды деп есептеймін. Бізге ел тізгінін сеніп тапсыратын, кез келген қиындықтан алып шығатын, көшімізді бастайтын тұлға керек.