Мемлекет басшысының конституциялық реформа өткізу туралы үндеуі еліміздің сая­си өміріне үлкен өзгерістер алып келері сөзсіз. Атап айтқанда Қасым-Жомарт Тоқаевтың аудандық және қалалық мәслихаттардың депутаттарын сайлауда толықтай мажоритарлы сайлау үлгісін қолдануды ұсынуы көңіл қуантады. Себебі Ата заңға мұндай ауқымды өзгерістер енгізілсе аудандық және қалалық мәслихат депутаттығына елдің арасында жүрген, сөзі өтімді азаматтар сайланады. Бұл арқылы елдің түйіткілді мәселелері жылдам шешімін тауып, «Қасіретті қаңтар» оқиғасы секілді жағдайлар орын алмаса деймін.