АҚШ диетологы жұмыртқаны дұрыс жеп, қалай арықтауға болатынын айтты. Маманның кеңесін Insider басылымы жариялады, деп хабарлайды Stan.kz ақпарат агенттігі. 

Натали Риццоның айтуынша, құрамында холестерин көп болғанына қарамастан, жұмыртқа дұрыс тамақтанып, арықтағысы келетіндерге таптырмас азық. 
"Жұмыртқа - ағуыздың қайнаркөзі. Оның құрамында А, D және B тобының дәрумендері, фолий қышқылы бар", — деп атап өтті дәрігер. 

• Диетолог арықтау кезіндегі ең үлкен қателікті атады
• Ғалымдар шайдың адам ағзасына пайдасы туралы айтты

Диетологтың айтуынша, жұмыртқаның құрамындағы ағуыз ашығу сезімін ұзаққа дейін жойып қана қоймай, зат алмасу процесін жылдамдатады. Ал ол арықтау кезінде маңызды екені белгілі. 
Риццо арықтағысы келетін жандарға жұмыртқаны ет өнімдерімен бірге тұтынбауға кеңес берді. Оның орнына көкөністер, авокадо мен тұтас дәнді нанмен бірге жеген дұрыс болатынын айтты.


​https://stan.kz​​​