«Нұр Отан» партиясы Шиелі аудандық филиалында Елбасы Нұрсұлтан Назарбаевтың «Президенттің бес әлеуметтік бастамасы» атты үндеуін түсіндіру мақсатында Бастауыш партия ұйымындарының қызметкерлерімен кездесу өткізілді. 
Кездесу барысына «Нұр Отан» партиясы Шиелі аудандық филиалы төрағасының бірінші орынбасары П.Маханбет Елбасының 5 әлеуметтік бастамасы туралы түсіндіре отырып, "Бастамалардың айрықша маңызды екенін ескерсек, оларды тиімді жүзеге асырудың жолдары кеңінен талқылауды қажет етеді. Халық пен бизнес өкілдерінің арасында түсіндіру жұмыстарын жүргізу маңызды болып отыр. «Нұр Отан» партиясы халқымыз үшін айрықша маңызы бар осы шаралардың тиянақты орындалуын бақылауға алады, – деді. Осы тұрғыда Бастауыш партия ұйымдарының жұмыстарын жандандыру барысында бірқатар тапсырмалар берді. Жиын барысында 5 әлеуметтік бастамаға қатысты қатысушылар тарапынан ұсыныстар айтылды.