Бүгін «Тұлғаның сыбайлас жемқорлыққа қарсы мәдениетін қалыптастырудың конститутциялық негіздері» тақырыбында Қызылорда облыстық тілдерді дамыту орталығының ұжымымен кездесу өтті.
Аталған кездесуге департамент басшысының бірінші орынбасарының міндетін уақытша атқарушы Әлімқұлова Ғалия Ұбайдуллақызы, Ақпараттық – ағартушылық штаб мүшесі Баекеев Мақсұт Әбдуәліұлы, Қазақстан Республикасы Президенті жанындағы мемлекеттік басқару Академиясының Қызылорда облысы бойынша филиалының директоры Айтимов Мұрат Жолдасбекұлы және орталыққа қарасты аудандық бөлімшелердің басшылары қатысты.
Шара барысында сыбайлас жемқорлыққа қарсы заңнаманың жаңашылдықтары туралы, квазимемлекеттік сектор субъектілерінде комплаенс-қызметті мен ISO 37001 сыбайлас жемқорлыққа қарсы стандарттын енгізу бойынша баяндамалар оқылып және адалдық, адамгершілік, шыншылдық, тазалық принциптерін ұстануға шақырып, парасатты қоғам құруға бағытталған шаралардың тиімділігін арттыру үшін барлығымыз атсалысуымыз қажет екендігін хабарлады.
Шара соңында қатысушылар назарына сыбайлас жемқорлықтың алдын алуға бағытталған әлеуметтік бейнероликтер көрсетіліп, сауалдарға жауаптар берілді.