Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаменті жанындағы мемлекеттік қызмет көрсету мәселелері жөніндегі ведомствоаралық жұмыс тобының кезекті отырысы өтті. Отырыстың күн тәртібінде мемлекеттік кірістер және білім саласындағы 2017 жылдың мемлекеттік қызметтер көрсету сапасын арттыру бойынша атқарылған жұмыстары тыңдалды.
Отырыс қорытындысы бойынша барлық мемлекеттік органдарға электронды түрде көрсетілетін қызметтердің үлесін көбейтуді, өз қарамағындағы қызметкерлердің «e-gov» электрондық үкімет порталы арқылы көрсетілетін қызметтерді электронды түрде алуын белсендіру жұмыстарын жалғастыруды, сонымен қатар, баламалы түрде көрсетілетін қызметтерді Халыққа қызмет көрсету орталығымен бірлесіп Мемлекеттік корпорация арқылы көрсетілуін қамтамасыз ету жұмыстарын жүргізу жөнінде тиісті ұсыныстар берілді.