«Ұлы Абайдың шығармашылық мұрасы – халқымыздың ғасырлар бойы маңызын жоймайтын рухани қазынасы. Маңызын жоймау былай тұрсын, заман өзгеріп, қоғамдық санада күрт сапырылыстар пайда болған сайын бұл қазына өзінің жаңа бір қырымен жарқырай ашылып, қадірін арттыра түсетініне Абайдан кейінгі уақыт айқын көз жеткізді. Бұл күнде Абай сөзі әр қазақтың ағзасына ана сүтімен бірге дариды десе, артық айтылғандық емес. Ана сүті тән қорегі ретінде жас сәбидің буыны бекіп, бұғанасы қатаюына қызмет етсе, ақын сөзі оның санасына адамдық пен азаматтықтың ұрығын сеуіп қызмет етеді» деп Ж.Ысмағұлов дөп басып айтқандай, аталған шарада ұлы Абайдың мұрасына қаныққан бастауыш сынып оқушылары өнерлерін ортаға салды. Бірінші айналым бойынша З.Палман, П.Кеңесбаева, Г.Абдреева, П.Манауова, Қ.Ахметова, Э.Бердібекова, Ж.Сүлеймен, Д.Биманова жетекшілік жасайтын сыныптар жүлделі орындарды иеленіп, алғыс хатпен марапатталды. Одан әрі «Қазақта қара сөзге дес бермедім» деп аталатын екінші кезеңде Ә.Әбдіманап бас жүлдені иеленсе, А.Оразмаханға І орын бұйырды. Ал ІІ орын А.Сұлтанахмедтің еншісіне тиді. Келесі орын А.Ермағанбетованың қанжығасында. Мемлекет басшысы Қ.Тоқаев жақында ғана «Абай және ХІ ғасырдағы Қазақстан» атты мақаласын жолдап, қазақ зиялысының мәртебесін арттырды. Сондықтан Абайды тану мектеп қабырғасынан бастау алары сөзсіз.

Г.ДҮЙСЕБАЙ