Ұзақ уақыт теледидар қараудың қауіпі аталды. Ұзақ уақыт бойы теледидар алдында отыру көктамыр тромбозы пайда болу қауіпін арттырады. Бұл туралы АҚШ-тағы Миннесота университетінің ғалымдары айтып отыр, - деп жазады РИА Новости Science Daily басылымына сілтеме жасап. Дәрігерлер 24 жыл бойы жасы 45-64 аралығындағы 15 мың америкалықтың денсаулығын зерттеп, жүйелі түрде сауалнама жүргізіп келген. Осылайша, осы күнге дейін 691 көктамыр тромбозы тіркелген. Осы орайда ғалымдар теледидар алдында ұзақ уақыт отыратын адамдардың 1,7 есе осы дерттен зардап шегетінін анықтады. "Бұл нәтижелер күнделікті физикалық жаттығулар жасап жүретіндердің де ұзақ уақыт бойы бір орында отыра бермеу керектігін көрсетеді. Мысалы, теледидар көрген кезде де", - делінген Ясухико Куботаның зерттеуінде. Мамандардың айтуынша, көктамыр тромбозы кезінде көктамырлардың ішінде қан ұйығы (тромб) пайда болады. Бұл процесс, әсіресе, аяқтағы тамырларға әсер етеді. Сондай-ақ, мұның жеңіл артиллерияның бітелуіне алып келетіні айтылады. Ал емдемеген жағдайда адам тіпті өліп кетуі мүмкін екен.
Kaz.tengrinews.kz