Бүгін «Нұр Отан» партиясы Шиелі аудандық филилының ұйымдастыруымен партияның «Жастар Отанға» жобасы аясында «Қыс кереметі» атты арнаулы және орта мектеп оқушылары арасында суретшілер байқауы өтті. 
Байқауда 11 мен 17 жас аралығындағы 15 талапты үміткерлер қатысып, Қыс мезгілінің көрнекіліктері бағытында суреттер салып бақ сынасты. 

Байқау қорытындысына «Нұр Отан» партиясы Шиелі аудандық филиалы төрағасының бірінші орынбасары П.Маханбет, Қазақстан Республикасының мәдениет қайраткері, «Көркемсурет» үйірмесінің жетекшісі, суретші Р.Ибраев, №219 Ы. Алтынсарин атындағы қазақ орта мектебінің ұстазы К.Есқараева қатысып, барлық қатысушыларды «Нұр Отан» партиясының дипломы, алғыс хаты және арнайы бағалы сыйлықтармен табыстады.
Шараның мақсаты жастардың бойындағы отансүйгіштік, патриоттық сезімдерін жаңғырту және адалдық пен адамгершілікті бойларына сіңіру болып табылады.

Ерболат Мухтаровтың әлеуметтік парақшасынан