Тегін нан таратқан мейірімді жан
Кенттегі «Мегашоп» дүкені (бұрынғы Жадыра мейрамханасының ғимараты) 20 желтоқсаннан бастап тұрғындарға тегін нан тарату ісін қолға алды. Алғашқы күннің өзінде сөреге қойылған 50 нан түске дейін үлестіріліп үлгерген. Дүкен иесі Асқар Айтбайұлы:– Бұл қайырымдылық шарасы қасиетті жұма күнінен бастау алды. Шын мұқтаж жандарға титтей де болса жәрдем беріп, сауабын алғанға не жетсін? Бұйырса, енді күнделікті таңертең сағат 10-нан бастап дүкенге нан әкелінеді. Оны қажет деп тапқан кез келген адам алуға болады, – дейді.
Жомарт азамат бұл істі күнделікті тоқтатпауды көздеп отыр. Енді күн сайын өңірдегі бірнеше отбасы тегін нан алып, қуанышқа бөленетін болады.
«Өскен өңір» ақпарат
