Республиканың оңтүстігінде ыстық және жауын-шашынсыз ауа райы күтіледі, оған Иран аймағынан түсетін жылы ауа себеп болады.

Алдағы үш тәулікте күндізгі температура 30…35°С, кей жерлерде 37…40°С дейін күтіледі, қиыр оңтүстікте плюс 44°С дейін болжанады.

Қазақстанның солтүстік бөлігінде қысқа мерзімге температураның жоғарылауы мен жауын-шашынның тоқтатылуынан кейін, Ресейдің еуропалық территориясының солтүстік аймағынан суық атмосфералық фронт жылжиды. Онымен алдағы күндері жаңбыр, кей жерлерде қатты, найзағай, екпінді жел және ауа температурасының төмендеуі күтіледі, деп жазады kazhydromet.kz.

24.kz