Биыл киіктердің саны 62 400 басқа көбейді
![](/uploads/posts/2018-06/medium/1528438681_kikterd-sany-62-400-basa-kbeyd.jpg)
Былтыр киіктердің саны 152 600 болған, деп хабарлайды Baq.kz ақпарат агенттігі.
ҚР АШМ Орман шаруашылығы және жануарлар дүниесі комитетінің баспасөз хатшысы Сәкен Ділдахмет жыл сайын сәуір-мамыр айларында ғылыми қызметкерлермен бірігіп, әуе санақ жүргізетіндерін айтты. «Экстраполяциялық жұмыстың қорытындысы бойынша жалпы санақтың есебі анықталады. Былтыр киіктердің саны 152 600 болса, биыл 215 100 басты құрады», - деп жазды ол Фейсбуктегі парақшасында. Әлеуметтік желі қолданушылары бұл ақпаратқа қатысты пікір білдіріп, ойларын жазды.
«Киік – киелі жануар. Автордың айтқысы келгені «киікті қыру арқылы көп қиындық көріп жүрмейік» дегені шығар. Түз тағысын аялап, қорғау əр қазақтың азаматтық борышы», - деп жазды Хафиз Искаков есімді әлеуметтік желі қолданушысы.
Baq.kz