Қазақстан инженерлік техно­ло­гиялық университетінде Елбасы Нұрсұлтан Назарбаевтың «Прези­денттің бес әлеуметтік бастамасы» Үндеуіне арналған пікір алмасу ашық алаңы өтті. Пікір алмасуға ғалым­дар, мектеп басшылары, колледж оқыту­шылары, магистранттар мен студенттер қатысты.
Шараны Алматы қаласы Білім басқармасы мен «Нұр Отан» партиясының Алматы қаласы Бостандық аудандық филиалы ұйымдастырды.
Пленарлық мәжілісті ҚазИТУ ректоры, профессор Нұрлан Темір­беков кіріспе сөзбен ашып, Елбасы бастамасы ұлттың әлеуетін арттыру жолын көздеп отырғанына тоқталды. «Нұр Отан» партиясы Бос­тан­дық ауданы филиалы төраға­сы­ның бірінші орынбасары Баймұрат Жамбылов «Президенттің бес әлеу­меттік бастамасының» мән-маңызы жайында кеңінен тілге тиек етті.
«Елбасының бес әлеуметтік бастама» Үндеуі – маңызы зор дүние. Бірінші бағыты – баспана. Еліміздің әрбір отбасында баспана болуы керек. «Ел боламын десең, бесігіңді түзе» деген дана халқымыз. Осыған баса мән берген Мемлекет басшысы «7 – 20 – 25» бағдарламасы арқылы баспаналы болудың жаңа мүмкіндіктеріне жол ашты.
Мемлекет басшысының «Жо­ғары білім алудың қолжетімділігі мен сапасын арттырып, студент жастардың жатақханадағы жағ­дайын жақсарту» бастамасы да өңір­дегі бірқатар өзекті мәселенің оң шешілуіне ықпал етпек. Білім гранттарының көбеюі оқуға ын­­­та­лы жастардың көңілін бір дем­десе, студенттердің жатақ­ха­на­мен қамтылуға қатысты мәсе­лесі­нің шешімін табуы да оларды қанат­тандырады. Оқу орын­дарының ішінде студенттерін толық жатақха­намен қамтамасыз етіп отырған осы ҚазИТУ-ды айрықша атап өту қажет. Шағын несие беруді кө­бей­ту бастамасы да ел ішінен қол­­дау тауып, нәтиже беретіні анық. Мемлекет басшысы бұл шара әсіресе, ауыл-аймақтар үшін, ауыл­дағы кәсіпкерлікті дамыту үшін маңызды екенін атап өтті» деді ол.
Пленарлық мәжілісте ҚазИТУ проректоры Гүлнар Сәрсенбекова «Тәрбиенің өркениетке бастар бастауы» тақырыбында баяндама жасап, ұрпақ тәрбиесі болашақ кепілі екенін назарға алды. Со­ны­мен қатар Қант, тағам және өң­деу өндірісі қауымдастығының ви­це-президенті И.Митрофанова, ака­демик У.Чоманов дуалды бі­лім берудің артықшылықтары мен студенттің өндіріс орнымен ты­ғыз байланыс орнатуының мә­нін тілге тиек етті. Рек­тор кеңесшісі Тынышкүл Мол­да­шқызы оқытудағы ин­новация­лық бағдарламаларын таныс­тырса, колледждің үздік студенті Б.Сатайқызы рухани жаңғыру жастардан басталатынына тоқталды.
Ақбота ИСЛӘМБЕК