Еуропа елдері карнавал маусымын тойлауды бастап кетті, деп хабарлайды «Хабар 24». Дәстүрге сай фестиваль аясында Венеция балы өтті. Ал аспанға қиял-ғажайып ертегі кейіпкерлері ұшырылды. Францияның солтүстігіндегі Дюнкерк қаласында 40 мың тұрғын жиналып, аталмыш фестивальді атап өтті. Сондай-аПортугалияның Лиссабон қаласында да карнавал жалғасып жатыр. Бұл өңірдің тұрғындары шараға еркше ықыласпен дайындалады. Өйткені көшеге танымал саясаткерлер мен футболистердің кейпінде шығу керек. Биылғы шарада келушілердің назарына Дональд Трамп пен Ким Чен Ын, атақты футболист Криштану Роналдоның мүсіндері ұсынылды. Айта кетейік, карнавал үш күн бойы жалғасады. 

www.24.kz