АҚШ-та жанартау түстес сарқырама пайда болды

АҚШ-тың Йосемити ұлттық саябағында жанартау түстес сарқырама пайда болды. Бұл табиғи құбылыс жыл сайын оптикалық иллюзия салдарынан болып тұрады. Себебі батып бара жатқан күн шуағы суға тіке түсіп, сарқырама қызыл жалынның түсіне ене бастайды. Нәтижесінде таудан су емес, құдды лава сарқырап тұрғандай көрінеді. Бұл ерекше көріністі тамашалау үшін саябаққа жүзден астам турист жиналады. Сол себепті демалыс орнында сарқыраманы тамашалайтын арнайы алаң тұрғызылған. Айта кетейік, бұл табиғи құбылысты келушілер тек ақпан айында ғана көре алады.
www.24.kz