Американың Солтүстік-батыс университетінің галереясында зерттеушілер ортағасырлық "Каталон атласы" қолжазбасын таныстырды. Ғалымдардың пікірінше, картада тарихтағы ең бай адам бейнеленген. 
Карта 1375 жылы қазір Испанияның құрамына кіретін ортағасырлық Мальорка аралында жасалған. Туындының дәл ортасында сауда жолдарының қиылысында қолында алтын монетасы бар батысафрикалық король Манса Муса бейнеленген. Манса Муса IX ғасырдың бірінші жартысында ортағасырлық Мали мемлекетін 30 жылдай басқарыпты. Көрме жетекшісі Кэтлин Бикфорд Берзоктың айтуынша, Муса өңірдегі алтын өндірісін толығымен бақылауда ұстаған. Ал бұл жердің металы ең таза алтын саналып, нарықта үлкен сұранысқа ие болған, деп жазады РИА Новости.
"Бүгінде осыншама байлығы бар адамның барына сену қиын", - дейді Берзок.
IX ғасырда Мали алтыны басты валюта саналатын динарды соғу үшін пайдаланылған. Ерте заманнан жеткен араб мәтіндерінде монеталар Мусаның бақылауында болған аумақта өндірілген алтыннан жасалғаны айтылады.

sputniknews.kz