Ұлыбританияда неолит пен қола дәуіріндегі құрылыстардан патшайым Елизавета біріншінің заманына дейінгі ескерткіштер табылды, деп хабарлайды Baq.kz ақпарат агенттігі 24 хабар арнасына сілтеме жасап.

Мамандар жәдігерлерді дрондардың көмегімен анықтаған. Ғалымдардың айтуынша, олар осы өңірдегі адамдардың неолит дәуірінен ХХ ғасырдың ортасына дейінгі өмір сүру салтын, жүргізген шаруашылықтарын және қоршаған ортамен байланысы туралы тың мәліметтер береді.

«Табылған ескерткіштердің арасында темір және қола дәуірдегі діни орындар, Рим фермалары, ортағасырлық қоныстар, екінші дүниежүзілік соғыс кезіндегі лагерьлер бар. Біз бұл нысандарды мұқият зерттеп олардың кейбіреуіне мемлекеттік қорғау мәртебесін беру мәселесін қарастыратын боламыз», -дейді Historic England қоғамдық ұйымының жетекшісі Дэмиен Грейди.


Baq.kz сайты