Әлемдегі ең қауіпсіз қаланы білесіз бе?

Қоғамдық пікірді онлайн-сауалнама арқылы талдайтын Numbeo қызметінің сайтында 2018 жылдың ең қауіпсіз қалаларының тізімі жарияланды, деп хабарлайды ҚазАқпарат. 345 қаладағы қылмыс деңгейі бойынша жаңартылған тізімге сәйкес, БАӘ астанасы Әбу-Даби ең қауіпсіз қала деп танылды. Шаһардағы қылмыс индексі небәрі 11,62%, ал қауіпсіздік индексі 88,38% құрады. Катар астанасы Доха қаласы рейтингтің екінші орнына табан тіреді. Мұндағы қылмыс индексі 12,19%. Үшінші орында Жапонияның Осака (16,01%) қаласы тұр. Сондай-ақ ең қауіпсіз қалалардың ондығына Квебек (Канада), Сингапур, Базель (Швейцария), Токио (Жапония), Дубай (БАӘ) және Мюнхен (Германия) кірді.

www.24.kz