Қоныс аудару үшін 560 еуро жеткілікті болатын әлемдегі ең арзан қала белгілі болды. Ол – Мысырдың Каир қаласы, деп хабарлайды Baq.kz ақпарат агенттігі Nestpick сайтына сілтеме жасап.
Рейтингті жасақтау барысында алғашқы айы жалға алатын пәтер мен интернет ақысы, тамақ, көлік және телефон шығындары есепке алынды.
Екінші орында үнділік Бангалор (634 еуро), үшінші орынды - Бухарест (644 еуро) алды.
Ал, әлем бойынша көшіп бару үшін ең қымбат қала ретінде Дубай (3,6 мың еуро) танылды. Сонымен қатар, еуропалық қалалардың ішінен Лондон да (2,7 мың еуро) қымбат қалалар қатарына жатқызылды.