Жүргізушісіз, алайда дронмен 20 жылдан кейін көлікте жүргізу қандай болады? 15-18 жылдан кейін  жүргізушісі жоқ көліктер пайда болады. Мұндай болжамды сарапшылар жасап отыр.
Қазірдің өзінде автокөліктерді тұраққа қоюдың автоматты режимі бар. Бұл қалай жұмыс істейді: алдыңғы және артқы бампердегі тетіктер қабырғаларды, бұрыштарды, көршілес көліктерді «сканерлейді», оларға сигнал жібереді және оның қайтар уақытын тіркейді – осылайша, тұраққа қоятын жердің көлемі туралы ақпарат алады.  Яғни, болашақ ұрпақ алдағы уақытта көліктің тізгініне отырмайтын болса, онда такси жүргізушілері де болмайды – фирмалар адамдардан гөрі, дронды арзан бағаға «жалға» алатын болады.  Кешігу мен қала ішінде «қыдыру» – барлық карталар жүйесіне енгізілетін болады. Бір кәсіптер «өледі», ал басқалары  пайда болады – бұл жаңалық емес. Қазіргі кезде  пойыздарда от жағушылар жоқ, оның бақылаушылары ғана бар.
Сарапшылардың пікірінше, 2030 жылға дейін 57 кәсіп жойылады және жаңадан 180  кәсіп пайда болады.
Егер біз 50 жылдан кейін «Бесінші элемент» киносындай ұшатын көліктерге отыратын болсақ, бұл шындығында да керемет болар еді…
Жадыра ҚОЖАХМЕТ