Бразилия президенті Мишел Темер жүк көліктерін жүргізушілердің ереуілінен кейін дизельді жанармай бағасын жарты реалға төмендетті. Сонымен қатар кей федералдық және қалааралық жолдарда жүргені үшін алынатын салықты уақытша тоқтатты. Ақпарат құралдарының хабарлауынша, жаңа баға екі ай сақталып, содан кейін қайта қарастырылады. Президент: «шеруге шыққандар талабын ескердім», – дейді. Еске сала кетейік, Бразилияда жүк көліктері жүргізушілерінің наразылығы мамырдың 21-і күні басталған. Олар дизельді жанармай бағасының қымбаттауына қарсы шығып, бірнеше ірі тасжолды жауып тастады. Осының салдарынын бірқатар штатқа азық-түлік жетпей, мектептер жабылып, төтенше жағдай жарияланды.

Ә.СЕЙТМҰРАТОВА